Гыйнвар аенда ниләр чәчергә була?

Гыйнварда әче кузаклы борыч чәчәргә мөмкин. Әмма әле үсемлекләргә кояш нурлары җитми, аларны өстәмә яктыртырга туры киләчәк.

Әче борычны 3 өлеш черемә, 1 өлеш ком һәм аз гына агач көле кушылган туфракка чәчәргә була. Орлыкларны 1 см тирәнлеккә күмәргә, 2 чын яфрагы чыккач, аерым савытларга күчереп утыртырга.

Шулай ук гыйнвар азагында 5-6 айдан гына чәчәк ата торган пеларгония, петуния, бегония, шабо канәфере, лобелия кебек чәчәкләрне чәчәргә кирәк.