Кыяр яхшы үссен дисәң

– Кыяр өчен нейтраль реакцияле (РН, 6,5-7,0), черемәгә бай туфрак яхшы.
– Кыяр үрмәләп үсә башлаганчы, төбен 3-5 см калынлыкта торф белән мүлчәләргә һәм даими су сибәргә кирәк. 
– Кыярны куе утыртмагыз. Саргайган яфракларын өзеп торырга кирәк, болай аның арасына яктылык яхшырак керә. 
– ККыяр үтәли җилне, температураның кискен үзгәрешләрен яратмый.
– Сабакта кыярны зур итеп үстермәгез. Сабактагы картайган бер кыяр калганнарының үсешен тоткарлый. 
– Кыярны суны кичтән сипмәгез. Бу аның чирләргә бирешү куркынычын арттыра. Аңа көннең беренче яртысында җылы су гына сибәргә кирәк. 

Фото: https://www.pexels.com/