Сәхәр ашамаган кешенең уразасы дөрес буламы?

Изге Рамазан аена нибары 6 көн калды. Уразабызны Аллаһы Тәгалә кабул итсен өчен аны җиренә җиткереп, тиешле таләпләрен үтәп тотарга кирәк. Алар хакында исә һәммәбезгә дә алдан белеп тору зарур. Моны күздә тотып, уразага кагылышлы сорауларга җаваплар биреп барырга булдык. Аларны сезнең игътибарга да тәкъдим итәбез. Беренче сорау сәхәр ашауга бәйле.

Ураза тотарга ниятләгән кеше таң атканчыга кадәр ашамый һәм сәхәрсез ураза тота икән, аның уразасы дөрес була, ләкин савабы азрак. Чөнки Пәйгамбәребез Мөхәммәд саллаллаһу галәйһи вәссәлам сөннәтенә кергән бер гамәлне эшләмичә калдыра.