Чаллыда ни өчен кич автобуслар йөрми?

"Шәһри Чаллы"да "Әйтим әле!" сәхифәсе чыга. Бу юлы борчыган проблемасы белән тәрбияче Зөлфия Вәлиева уртаклашты. Ул кичке якта автобусларның йөрмәвенә зарлана. 

- Яңа шәһәрнең 43 нче бистәсенә кунакка барган идем. Кичке сигездә кайтырга чыктым. Пушкин тукталышыннан Татарстан урамына кайтырга кирәк. Ярты сәгать транспорт көттем. 12нче, 35нче маршрут автобуслары килмәде. Туңып беттем. Аннары бер җиңел машина килеп туктады. Минем тукталышка кадәр 150 сумга алып кайтты. Шәһәрдә җәмәгать транспортын җайга салсыннар иде, - ди Зөлфия Вәлиева.  

"Әйтим әле!" сәхифәсенә сез дә соң-*зарларыгыз, проблемаларыгыз турында сөйли аласыз. Без аларны «Шәһри Чаллы» битләрендә бастырачакбыз.