5 мең сум ала башлыйлар

Мишустин сыйныф җитәкчеләренә түләүләр турындагы яңа указга кул куйды.
Сыйныф җитәкчелеге өчен түләүләрне Россиянең барлык мәктәпләре педагоглары алачак. Премьер-министр Михаил Мишустин тиешле карарны имзалады.
“Хәзер федераль башкарма хакимият органнары карамагындагы мәгариф учреждениеләре педагогларына да 5 мең сум күләмендә акча каралган. Мәсәлән, алар арасында Тышкы эшләр, Мәдәният, Транспорт, Гадәттән тыш хәлләр министрлыклары”, — дип хәбәр ителә Хөкүмәт сайтында.
Педагогларга сыйныф җитәкчелеге өчен өстәмә түләүләр турында карар Россия Президенты Владимир Путин йөкләмәсе буенча кабул ителде.