65нче комплекста тагын бер мәктәп булачак!
Шәһәр мэры Наил Мәһдиев «Олимпийский» спорт комплексында капиталь ремонт эшләрен караганда журналистларның сорауларына да җавап бирде.
– 65нче комплекста тагын бер мәктәп булырмы? – дигән сорау яңгырады шәһәр башлыгына.
– Була! Хәзерге вакытта әзерлек эшләре бара. Объектны 2024 елның 1 сентябрендә файдалануга тапшырырга планлаштырабыз. Ул 1224 укучы өчен каралган. 65нче микрорайондагы 42нче мәктәптә балалар күп. Тагын бер белем йорты төзеп чыкмасак, алар 3 сменада укырга тиеш була. Алай эшләмибез дә, эшләмиячәкбез дә! Балалар – безнең бәхетебез. Ул тагы да тулы булсын өчен бу микрорайон өчен мәктәп кирәк, – дип аңлатты Наил Гамбәрович.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев