Аэропортларда рейслар тоткарлана

Пилотсыз очкыч куркынычы режимы сәбәпле, Казан һәм Түбән Кама аэропортларында чикләүләр кертелде. 
«Казан һәм Түбән Кама халыкара аэропортларында пилотсыз очкыч куркынычы һәм «Келәм» режимнары саклана», – дип хәбәр итте Гадәттән тыш хәлләр министрлыгы.

Аэропортларда 14 рейс тоткарлана.

Исегезгә төшерәбез, Татарстанда башта пилотсыз очкыч куркынычы режимы, аннары БПЛА һөҗүме куркынычы режимы игълан ителде. Беренче хәбәр 3:28 сәгатьтә килде. Икенчесе – 5:41 сәгатьтә. 8:07 сәгатьтә Казанга БПЛА һөҗүме куркынычы гамәлдән чыгарылды. Төн эчендә республикада 2 пилотсыз очкыч бәреп төшерелде.