“Җәмигъ” мәчете төзелешенә күпме акча җыелган?

Өч ай эчендә “Җәмигъ” мәчете төзелешенә хәйриячеләр тарафыннан 13 млн сум акча җыелган. Бу хакта мәчетнең финанслар фонды хәбәр итте. 5,6 млн сумны юридик затлар күчерсә, калганын шәһәрдәшләр. “Чаллы икмәге” һәм “РБР-16” компанияләре берешәр млн сум күчергән. Чаллы мәчетләреннән 1 млн 100 мең сумнан артык акча кергән. 

Шунысы игътибарга лаек: “Җәмигъ” мәчете төзелешенә беркем битараф түгел. Материаллар белән ярдәм итүче һәм хезмәт күрсәтүче предприятие-оешмалар да бар. Мисал өчен, Магнитогорскидан ак мәр-мәрне “Далини” компаниясе бушлай алып кайтып бирә, “Евростиль” төзелеш эшләре башкара.