Автогигантта электробус һәм автобуслар җитештерү артачак

2027 елга «КАМАЗ» ГАҖ  пассажирлар йөртүче техника җитештерүне елына ике тапкырга диярлек, ягъни 3 мең берәмлеккә кадәр арттырырга планлаштыра. Бу хакта «Вести КАМАЗа» газетасы хәбәр итте.
«Бүген автобус җыю цехында  елына 1600 автобус һәм электробус җитештерелә. Киләчәктә, 2027 елга, җитештерү куәтләрен елына 3000гә җиткерү планлаштырыла», – диелә язмада.

НЕФАЗның 700дән артык кеше эшли торган 23 нче номерлы автобус җыю цехына 1 мартта 25 ел тулды. 2001 елдан 2025 елга кадәр биредә 23290 автобус һәм 2462 электробус җитештерелде. Цехта барлыгы 15 модель пассажир техникасы җыялар.