Бакчачыларга – штраф

Чүп-чарны махсус җиһазландырылган контейнер мәйданчыкларыннан читкә ташлаган өчен 10-15 мең сум штраф түләргә туры киләчәк.
Адвокат һәм җәмәгать эшлеклесе Дмитрий Аграновский бу хакта «Татар-информ» агентлыгына сөйләде.
«Күп кенә бакчачылар чүп-чарны пакетларга җыеп, аларны кая да булса ераккарак илтеп ташлый. Мондый хокук бозулар өчен җаваплылык каралган («җитештерү һәм куллану калдыклары белән эш иткәндә әйләнә – тирә мохитне саклау өлкәсендәге таләпләрне үтәмәү»)», – диде ул. 
Аның әйтүенчә, чүп-чарны законсыз рәвештә  ташлаган өчен физик затларга – 10-15 мең сум, вазифаи затларга  – 20 меңнән 30 мең сумга кадәр, ә юридик затларга 30 меңнән 50 мең сумга кадәр штраф салына.