Чаллының Җиңү паркында балалар өчен кызыклы бәйрәм узачак

3 июньдә Чаллының Җиңү паркында халыкара балаларны яклау көненә багышланган «Капитошка» бәйрәме була.

«Бәйрәм көндезге 11дә башланып кичке 18 сәгатькә кадәр дәвам итә. Җиңү паркының күзәтү тәгәрмәче янында балалар өчен уеннар, мастер-класслар оештырыла. Моннан тыш, юристлар, табиблар, социаль хезмәтләр вәкилләре әти-әниләрне кызыксындырган сорауларга җавап бирәчәкләр. Кыскасы, бу көнне ата-аналар үзләренең балалары белән бергә булып, вакытларын файдалы итеп уздырачаклар», – диде бәйрәмне оештыручы сәүдә-сәнәгать палатасы генераль директоры Фәрит Бәшәров.