Бердәм дежур-диспетчерлык хезмәте локациясен алыштырды

Нәкъ менә бирегә тәүлек буе Бердәм диспетчерлык хезмәтенә чаллылылардан һәм Тукай районында яшәүчеләрдән барлык хәбәрләр килә. Монда кергән барлык мәгълүматны җыю, эшкәртү һәм координацияләү бара. Белгечләр көненә 1 500гә якын шалтырату һәм ГЛОНАСС системасы буенча 800 хәбәр кабул итә. Оператив дежур Бердәм дежур-диспетчерлык хезмәте ашыгыч хезмәтләрне – ашыгыч ярдәм, янгын, полиция, газ һәм электр белән тәэмин итү хезмәтләрен чакыру турында хәбәрләр кабул итә.
Шәһәр сиреналарын, сүз уңаенда, өйрәнүләр яки һәлакәт вакытында нәкъ менә Бердәм дежур-диспетчерлык хезмәте эшләтеп җибәрә.
«Хәбәрләр төрле була, гадәттән тыш хәлләр белән беррәттән, халык янгыннар, агачтагы мәче, градусник ватылуы, ачык люклар турында хәбәр итә. Без әлеге хәбәрләрне шәһәрдәшләребезнең тормышы бәйле булган теге яки бу хезмәтләргә җибәрәбез. Безнең хезмәт сизелми, әмма ул бик мөһим», - дип сөйли Яр Чаллы шәһәре һәм Тукай районы буенча бердәм дежур-диспетчерлык хезмәте җитәкчесе Светлана Бойнова.
Бердәм дежур-диспетчерлык хезмәте штатында 15 хезмәткәр эшли. Сменада өчәр кеше эшли, сменаның озынлыгы – 1 тәүлек.  Белгечләр тәүлек буе һава шартларының үзгәрүе буенча мониторинг алып баралар. Алар радиостанцияләр буенча ерак араларга йөрүчеләргә һава торышы начараюы турында хәбәр итәләр, шоферлар хәбәрләрне рация аша ала.
Монда ук янгын чыганакларын «Термо точки» урман янгыннарын ерактан күзәтү системасы аша күзәтәләр.
Башкарма комитет җитәкчелеге карары нигезендә, Татарстан Республикасы Президенты Рөстәм Миңнеханов күрсәтмәсе нигезендә, Бердәм дежур-диспетчерлык хезмәте Башкарма комитет территориясенә күчерелде. Бинада ремонт ясалган, биредә уңайлы шартлар тудырылган: кухня, ял һәм душ бүлмәләре бар.
Регламент буенча һәр хезмәткәр 4 сәгать ял итәргә тиеш.
Билгеләп үтик, биш ел дәвамында Яр Чаллы шәһәре һәм Тукай районы буенча бердәм дежур-диспетчерлык хезмәте "Идел буе федераль округы буенча РФ субъектының шәһәр округының иң яхшы бердәм дежур-диспетчерлык хезмәте" исеменә смотр-конкурста 1 нче урынны алып тора. 

http://nabchelny.ru/