Блогер Рөстәм Нәбиев «Эверест» тавына менә

Уфада яшәүче блогер, армиядә казарма җимерелү нәтиҗәсендә аяксыз калган Рөстәм Нәбиев бу көннәрдә Непалда. Ул «Эверест» тавына менәргә әзерләнә. 

«Таулар – бар нәрсә гадел булган урын. Монда сүзләрдән качып булмый, Монда син үзең һәм эчке дөньяң белән генә каласың. Мин кулларым белән тауга менәм. Бу кешелек өчен табигый булмаган хәл. Тик нәкъ бу урында аның әһәмияте юк. Таулар дөресме юкмы дип сорамый. Алар карый: син барасыңмы, юкмы? Мин 9нчы биеклекне яуладым. Мера Пик тавына мендем. Аның диңгез өстеннән биеклеге 6476 метр. Алда Эверест...» – дип язды ул үзенең социаль челтәрләрендә. 

Рөстәмне өендә гаиләсе, 3 баласы, туганнары көтә. 

Исән-сау әйләнеп кайтсын. 

Татарстанда «Яшьләр һәм балалар» илкүләм проекты тормышка ашырыла.  

Фото видеодан скриншот