Бу атнада 28 градуска кадәр суыта?!

Татарстанның гидрометрология үзәге хәбәр итүенчә, бу атнаның икенче яртысында республикада нык суыта. Температура минус 28 градуска җитәргә мөмкин.

21 январьда төньяк-көнбатыштан искән җил республикага бураннар алып килә. Күз күреме 1-2 км. Җилнең тизлеге 16-21 м/с. Температура -7..-12. 

Көннәр салкынайта бара. 22 январьда буран саклана. Температура -14 – -19, аязганда -23 градус. 

Пәнҗешәмбе көнне термометр баганасы -18..-23ка төшә. Көнчыгышта -28 градус булуы ихтимал.

Җомга һәм шимбә көннәрендә аз гына кар ява, температура төнлә -12..-17, көндез  -7..-12 градус була дип фаразлый синоптиклар.