Бу бигрәк кансыз хатын булган

Чиләбе өлкәсендә 50 яшьлек Галина иренең яшь хатын белән чуалуын белеп калгач, бик нык әрнегән. Бер ел түзеп караган, ләкин тормыш иптәше барыбер хыянәт итүдән туктамаган. Ачуыннан шашкан хатынның башына бик алама уй кергән - көндәшенең йөзенә кислота сибү... 

Галина бу эшне башкарырга риза булучыны табып, аванс биреп куйган. Әмма, ялланучы соңгы мизгелдә кире уйлаган һәм полициягә хәбәр иткән. Хәзер инде хатынны кулга алганнар. 

Өендәге тентү вакытында көндәшенең бер кап фотосурәтләре табылган.