Бүген Чаллының туган көне

Үзәк районның Энтузиастлар бульварында «Яшисе килә торган шәһәр» дип исемләнгән концерт булды. Чулман буенда ак кала төзегән төзүчеләрне, хезмәт ветераннарын район башлыгы Эдуард Фәттахов бәйрәм белән котлады.

«Кызыл тау» мәдәният үзәге иҗат коллективлары шәһәрдәшләр һәм Чаллы кунаклары өчен җыр, биюләр бүләк иттеләр. 

«Мәктәпкә әзерләнергә булыш» акциясе кысаларында Үзәк район башлыгы Эдуард Фәттахов һәм «Ремдизель» АҖнең маркетинг буенча директоры Людмила Трейстман махсус хәрби операциядә катнашучы 6 хәрбинең беренче сыйныфка баручы баласына портфельләр тапшырды. 

«Славица» сәүдә йорты исә барлык балаларны туңдырма белән сыйлады.