Чаллы депутатлары өстәмә керем акчасын бүлделәр

Шәһәр Советының 35нче сессиясендә депутатлар 2023 ел бюджетына өстәмә керемнәрдән калган 123,6 млн сум акчаны бүлү турында карарлар кабул иттеләр. 

Башкарма комитет җитәкчесе урынбасары, финанс идарәсе башлыгы Светлана Мөлекова әйтүенчә, 73,6 млн сум акча шәһәр инфраструктурасы объектларын тотуга, 43,5 млн сум җәмәгать транспортына һәм 6,5  млн сум акча муниципаль бюджет оешмаларында эшләүчеләрнең хезмәт хакын арттыруга җибәрелде. 

Шулай итеп шәһәр бюджетының керем өлеше 17,8 млрд сум, чыгымнары 17,9 млрд сум күләмендә расланды.