Чаллы эшмәкәре бушлай балалар тәрәзә йозаклары тарата

Чаллы эшмәкәре, пластик тәрәзәләр ясау белән шөгыльләнүче Рөстәм Гәрәев теләүчеләргә бушлай балалар йозаклары тарата. 
Ул бу акцияне узган ел да оештырган иде. Максаты: тәрәзәләрдән балалар егылып төшүне булдырмау. 
Исегезгә төшерәбез, 23 майда 65нче комплекста балконнан егылып төшеп 3 яшьлек кыз һәлак булды. 
«Окна страны» компаниясе вәкилләре әйтүенчә, Татарстанның төрле шәһәрләрендә һәм Уфада 5 меңгә якын йозак тарату планлаштырыла. 
Йозакны алу өчен паспорттагы балалар турындагы язмалы битне күрсәтергә кирәк. Балаларның яше 14 тән артмаска тиеш.
Әлеге йозакларны түбәндәге адреслар буенча алып була:
Чаллы:
Академик Королев ур, 2, «Королев» сәүдә үзәге, офис 5.
Тел: 89274903535
 Уфа:
Октябрьнең 50 еллыгы урамы, 12
 Түбән Кама:
Корабельная ур., 44, «Якорь» сәүдә үзәге
Алабуга: 
Нефтяниклар проспекты, 16
 Зәй:
Нефтяниклар проспекты  37,
(НГДУ «Зайнефть») офис 11
 Мамадыш:
Ленин ур. , 96 Г, «Табыш» сәүдә үзәге
Фото видеодан скриншот

Татарстанда «Яшьләр һәм балалар» илкүләм проекты тормышка ашырыла.