Чаллы эшмәкәре хәрбиләргә гуманитар ярдәм җыя

Чаллы эшмәкәре Фәрит Зарипов махсус хәрби операциядәге хәрбиләргә беренчеләрдән булып ярдәм оештырган иде. Ул гуманитар йөкне берничә тапкыр үзе илтеп бирде. 

Фәрит Ибраһимович бу эшне хәзер дә дәвам итә. Бу юлы ул улы Илдар хезмәт итә торган частькә ярдәм җыя. 

Хәрбиләргә зур юеш салфеткалар, туалет кәгазе, газ балоннары, соклар, шоколадлар, дошираклар, су, коры җиләк-җимешләр, батерейлар, тапочкалар, трусик, носки, шырпы һәм башка кирәк-яраклар кирәк. Паштет, коры ашлар, сигаретларга кытлык юк.

Ярдәмне Минзәлә тракты, 8нче  йортта урнашкан «АвтозилЦентр» ҖЧҖга илтеп тапшырырга була.