Чаллы янында Коръән өйрәнү үзәге төзергә җыеналар

Тукай районы Ерыклы авылында Коръәнне өйрәнү үзәге төзергә планлаштыралар. 

Тышкы яктан объект «Нур-Ихлас» мәчете мәдрәсәсенә ошаган. Бина өчен җир участогы бүлеп бирелгән, фундамент салынган.

– Бу мәчет, ифтар үткәрү залы булган комплекс булачак. Киләчәктә вафат булган мөселманнарны юуу өчен бина да төзеләчәк, – ди Тукай районы имам-мөхтәсибе Инсаф Сәүбәнов.

Фото Тукай районы мөхтәсибәтеннән алынды