Чаллы яшьләре кайда укырга хыяллана?

Чыгарылыш сыйныф укучыларының хәзер иң авыр, шул ук вакытта язмышларын хәлиткеч мизгелләре - алар бердәм дәүләт имтиханы тапшыралар. Узган еллардагы сыман БДИ (ЕГЭ) нәтиҗәләре 4 елга кадәр гамәлдә булачак. Документларны берьюлы 5 югары уку йортына бирергә мөмкин.

Чаллының 11нче сыйныф укучылары кайда укырга хыяллана соң? Яшүсмерләр арасында сораштыру уздырдылар. Укучыларның 41 проценты Татарстан (Казан, Алабуга) югары уку йортларына керергә хыяллана. 30 проценты Чаллыда калырга тели. Калган 29 процент укучы документларын Россия (Мәскәү, Санкт Петербург) ВУЗларына җибәрергә планлаштыра.