Чаллы Җиңү бәйрәменә әзерләнә

Быел Чаллыда Җиңү парадында 41 расчет, Россия Хәрби көчләре өчен автокалада җитештерелә торган техника  һәм Бөек Ватан сугышы елларындагы совет техникасы катнашачак. Бу хакта башкарма комитет җитәкчесе урынбасары Винер Харисов.
Чаллыда бәйрәм герой шагыйрь Муса Җәлил һәйкәленә чәчәкләр салудан башланып китә. Аннары «Ватан-Ана» мемориал комплексы янында дәвам итә.  Биредә бәйрәм чаралары тәмамлангач, Автозавод, Комсомол, Үзәк районнарда төрле чаралар башлана. Өч районда да солдат боткасы ашарга мөмкин булачак. 
17 сәгатьтә Мәйданда театраль тамаша башлана. Биредә укучылар, кадетлар, иҗат коллективлары чыгыш ясый. 
Җиңү бәйрәме 20 сәгать 30 минутта салют белән тәмамлана.
Быел Чаллыда «Үлемсез полк» булмый. Шәһәрдәшләребез герой-ветераннарның фотолары  «Хәтер стенасы»нда  социаль челтәрләрдә аватар урынына, киемнәренә һәм шәхси автомобильләренә куя алалар. 
Сүз уңаеннан, Чаллыда 405 Бөек Ватан сугышы ветераны яши. Аларның иң яшенә – 98, иң өлкәненә 100 яшь.