Чаллы кызлары күпләп уенчыклар бәйли

"Дарим тепло НЧ" төркеме хатын-кызлары оекбашларны онытып, уенчыклар бәйләү белән мәшгуль. Апрель ахырында 3 шәһәрдәшебез Россиянең яңа төбәкләренә барырга җыена. 

"Анда 165 бала укый торган бер мәктәп бар икән. Балаларның күбесе ятим. Аларны сөендерү өчен уенчыклар бәйләвебезне сорап мөрәҗәгать иттеләр. Балаларга оекбашлар да җибәрәчәкбез. Мәктәпкә Аня, Гуля һәм Катя исемле кызларыбыз бара. Искәртергә кирәк, беренче тапкыр түгел. Үзләре шундый изге күңелле", - дип сөйләде "Дарим тепло НЧ" төркеме җитәкчесе Светлана Карпова.