Чаллы мэры шәһәрдәшләрне Җиңү бәйрәме белән котлый

Хөрмәтле Бөек Ватан сугышы ветераннары, тыл хезмәтчәннәре!

Бүген Бөек Ватан сугышында Җиңүнең 80 еллыгын каршылыйбыз. Бу - горурлык һәм хәтер көне, бердәмлек, рухи көч, бердәмлек һәм Ватанга мәхәббәт билгесе.

80 ел элек совет халкы мөмкин булмаганны эшләде - ирекне саклады, фашизмны сындырды һәм яңа  буыннарга  киләчәк бүләк итте. 

Чаллыдан фронтка 14 меңнән артык кеше китте. Аларның күбесе укчылар һәм танкистлар, авиация дивизияләрендә көрәште.  11 якташыбыз Советлар Союзы Герое исеменә, 3 меңгә якыны орден, медальләргә лаек булды. 5 меңнән артыгы яу кырында мәңгелеккә ятып калды. Аларның батырлыгы үлемсез, ә исемнәре "Ватан-ана" мемориаль комплексы стелласына язылды. 

Ветераннарыбыз - сугыш еллары вакыйгалары шаһитлары, ныклык һәм каһарманлык үрнәге. Алар туган җирнең һәр метры өчен яу кырында көрәштеләр, тыл хезмәтчәннәре тылда җиңүгә зур өлеш керттеләр. Аларның фидакрь хезмәте, хәрби батырлыклары бәрабәренә дөнья көрән чумадан котылды.

Без ветераннар  мирасының бүген дә яшәве белән горурланабыз. Җиңүчеләрнең онык, оныкчыклары махсус хәрби операция зонасында бурычларын үтиләр. Алар илебез куркынычсызлыгы сагында, дөньяны һәм үзләренең якыннарын саклыйлар. 

Җиңү бәйрәме белән, хөрмәтле якташлар! Тынычлык, батырлык һәм өмет бәйрәме белән!