Чаллы мэры хәрбиләргә транспорт тапшырды

Чаллы мэры Наил Мәһдиев командировкада. Ул махсус хәрби операция зонасында Татарстаннан һәм Чаллыдан киткән ир-егетләр белән очрашты. 

«Мин коллегаларым белән бергә хәрбиләр янына бардым. Хәрби бурычларын уңышлы үтәр өчен егетләргә техника, махсус җиһазлар,  транспорт бирдек.  Татарстан Премьер-министры урынбасары Равил Әхмәтшин хезмәттә аерылып торган хәрбиләргә дәүләт бүләкләре, истәлекле медальләр тапшырды. Без киләчәктә дә хәрбиләргә ярдәм итәчәкбез. Чаллылылар үзләренең кешеләрен ташламыйлар», – дип хәбәр итте ул үзенең телеграмм каналында. 

Фотолар мэрның телеграмм каналыннан алынды.