Чаллы предприятесенең берсендә 254 кеше агуланган

Сальмонеллез белән иң күп авыручылар Чаллыда теркәлгән. Шәһәр предприятиесенең берсендә генә берьюлы 254 кеше агуланган. Бу хакта Татарстан буенча Роспотребнадзор идарәсе коллегиясе утырышында хәбәр иттеләр. 

-    Эшчеләр завод ашханәсендә агулана. Аның эшчеләре шәхси гигиена һәм санитар кагыйдәләрне боза. 41 ашханә эшчесе эштән азат ителде. 90 көнлек карантин билгеләнде, - диде ТР баш санитар табибы Марина Патяшина. 

Исегезгә төшерәбез, агулану очрагы узган елның октябрь азагында теркәлде. Ул вакытта Роспотребнадзор белгечләре тикшерүләр үткәрде. Санитар кагыйдәләр бозудан тыш, биредә куллану вакыты чыккан азык-төлеккә дә тап булдылар.