Чаллы табибы рекордсмен булды

Чаллы шәһәренең 1нче  стоматология хастаханәсенең теш табибы Гөлназ Дәүләтова Казанда узган Беренче Бөтенроссия сәламәтлек фестивалендә катнашты. Анда йога буенча күмәк хатын-кызлар тренировкасы буенча Россия рекорды теркәлде.

Барлыгы әлеге чарада башка шәһәрләрдән һәм хәтта илләрдән 2000нән артык хатын-кыз килде. 25 меңнән артык катнашучы фестивальгә онлайн кушылды. Иң кечкенәсенә - биш, ә иң олысына 67 яшь иде. Бу хакта ТР Сәламәтлек саклау министрлыгының матбугат хезмәте хәбәр итә.
Гөлназ Дәүләтова йога белән 2021 елның ноябреннән шөгыльләнә. «Мин тормышымда йога барлыкка килүемә бик шат. Ул тынычландыра, башны начар хис-тойгылардан арындыра», - диде табиб.
Фото: Татарстан Сәламәтлек саклау министрлыгы сайтыннан