Чаллы табибын ришвәт белән тоттылар

4нче поликлиника травматологы Алёна Грязнова ришвәт алуда гаепләнә. Суммасы аз түгел - 1,1 млн сум. Хокук сакчылары әйтүенчә, бу акчага ул билгеле бер кешегә инвалидлык алырга ярдәм итәргә тиеш булган.

Табибтан башка, җинаять эшендә шифаханә җитәкчелеге, ТР буенча медик-социаль экспертиза белгечләре һәм башка дәүләт, муниципаль учреждение хезмәткәрләре дә катнашкан булды ихтимал, ди тикшерүчеләр. Җинаять эше кузгатылды. Табиб Алёна Грязновага 2 ай өй аресты билгеләделәр. Аның хезмәт стажы - 28 ел.