Чаллы «Тылсым»ы ике беренче дәрәҗәдәге лауреат исемен алды

Мулланур Вахитов исемендәге 2нче гимназия укучылары «Тылсым» театр түгәрәгенә бик теләп йөриләр. Аларның бер өлеше - 2нче гимназиядә, бер өлеше «Эврика» мәдәният үзәгендә театр сәнгате белән шөгыльләнә.

Малайлар һәм кызлар педагоглары –  Татарстанның атказанган артистлары Энҗе Шиһапова һәм Чулпан Әскәрова белән бергә төрле спектакльләр куялар.  Яшь артистлар  даими рәвештә бәйгеләрдә катнашып, җиңәләр дә.

Шушы көннәрдә «Тылсым»лылар «Сәхнә көзгесе»  республика бәйгесендә  ике тапкыр беренче дәрәҗәдәге диплом белән бүләкләнделәр.

«Урта яшьтәге балалар төркеменең «Озын озак балачак», 13-17 яшьтәге укучылар төркеменең «Бүләк өчен» спектакле жюри тарафыннан югары бәяләнде», – ди «Тылсым»ның тылсымчы педагогы Энҗе Шиһапова.

Фото/ Энҗе Шиһапова