Чаллы хакимияте электр самокатларда йөрүне рәсми рәвештә тыйды

Чаллы хакимияте Ф.Табеев исемендәге яр буенда һәм Комсомол паркында электр транспорларында йөрүне рәсми рәвештә тыйды. Шул хакта документ мэрия сайтында бар. Анда спорт инвентарын гына (этеп йөрешле самокат, велосипед һәм роликлар) прокатка бирергә рөхсәт ителә, диелә. 

Исегезгә төшерәбез, апрель аенда Ф.Табеев исемендәге яр буенда махсус билге урнаштырдылар. Әлеге билге электросамокатларда, гироскутерларда, сигвей, монотәгәрмәчләрдә (моноколеса) һәм двигательле транспорт чараларында йөрү катгый тыела дигәнне аңлата. Бу хакта монда язган идек.