Чаллы хакимиятенә яңа җитәкчеләр килде

Шәһәр мэры Наил Мәһдиев дүшәмбе киңәшмәсендә  яңа җитәкчеләрне тәкъдим итте. 

3 майдан Чаллының сәламәтлек саклау идарәсе башлыгы итеп Рөстәм Ногманов билгеләнде. Ул 1985 елда Чаллыда туган. Югары белемле табиб-уролог. Тормыш иптәше 2нче шәһәр хастаханәсендә табиб-кардиолог булып эшли. 4 бала тәрбиялиләр.

Торак-коммуналь хуҗалык идарәсен хәзер Руслан Вильданов җитәкли. Ул 2017 елдан башлап Башкарма комитет җитәкчесенең ярдәмчесе булып эшләде. 
Аңа 33 яшь. Руслан Вильданов Кама дәүләт инженер-икътисад академиясен тәмамлап, икътисад һәм шәһәр  хуҗалыгы предприятиесендә  идарә итү белгечлеге алган.

Наил Гамбәрович яшь җитәкчеләргә җаваплы хезмәтләрендә уңышлар теләде. Предприятие һәм оешма җитәкчеләрен аларга ярдәм итәргә чакырды. «Барысы да яхшы булыр. Иң мөһиме: аларның эшләргә теләге бар», – диде ул. 

Фото/ Яр Чаллы хакимиятеннән алынды.