Чаллыда 120 мең сум түләнә торган эш тәкъдим итәләр

Ул 23 июнь көнне “КАМАЗ” мәдәният сараенда оештырылачак. Шәһәр халкына 1500 эш урыны тәкъдим ителәчәк. Чаллының мәшгульлек үзәге җитәкчесе Татьяна Быданова әйтүенчә, ярминкәдә “КАМАЗ”, “Ремдизель”, “Астейс”, “Хайер Индастри Рус”, “ТрансТехСервис”, “Кориб” кебек шәһәрнең 25 зур предприятиесе катнашачак. 

Эш эзләүчеләргә 40 мең сумнан алып 120 мең сумга кадәр хезмәт хакы вәгъдә итәләр. Моннан тыш, үз эшен ачарга теләүчеләр өчен консультация бүлеге эшләячәк. Биредә яңа һөнәр үзләштерү буенча да мәгълүмат алып була.