Чаллыда 300 мең квадрат торак файдалануга тапшырылачак

Дүшәмбе киңәшмәсендә башкарма комитет җитәкчесе урынбасары Мансур Фәттахов агымдагы елның беренче яртысында төзелеш өлкәсендә башкарылган эшләр турында сөйләде. Хисап чорында яңа төзелгән йортлардан 13 млрд сумлык фатир сатылган. Бу узган елның шул чоры белән чагыштырганда артык. Чөнки кв метр бәясе артты. Хәзер ул 160 мең сум тәшкил итә.
Быел 300 мең квадрат торак файдалануга тапшырылачак: ике аренда йорты, 26 инвестицион торак, 25 мең кв метр шәхси торак төзелеше. Хәзерге вакытта 240 мең кв метрдан артык торак файдалануга тапшырылды. Бу еллык планның 80 проценты.