Чаллыда ачык һавада кино күрсәтәләр
Чаллы ишегалларында кино күрсәтүләр дәвам итә. Кич ачык һавада кино карау - быелгы җәйнең үзенчәлеге дип әйтергә була.
Кешеләргә ошый.
"Экранда нәрсә күрсәтелүеннән бигрәк, күңелгә мондагы мөһит якын. Авыл клубында кино караулар искә төшә. Урын җитми торган иде, идәнгә ятып карый идек,"- дип искә ала берәүләр.
"Төсле телевизорлар чыккан чаклар искә төште. Күрше абзыйлар алгач, тирә-як күршеләр белән кич сериал карарга аларга керә идек. Кем диванга, кем идәнгә утырып карый иде,"-ди икенчеләр.
"Моның кадәр кеше килер дип көтмәдек тә. Белгән булсак, зуррак экран тапкан булыр идек. Шулай да кеше азакка кадәр утырды, таралырга ашыкмады,"- ди кайбер оештыручылар.
Следите за самым важным и интересным в Telegram-каналеТатмедиа
Нет комментариев