Чаллыда ял итү өчен бер пляж яраклы

Татарстанда булган 26 пляждан бишесе генә рекреацион максатларда куллануга санитар-эпидемиологик рөхсәт алды. Шәһәрдәшләр өчен яхшы хәбәр: бу исемлектә Чаллы пляжы да бар.

Роспотребнадзор идарәсе тарафыннан ял итү өчен рөхсәт ителгән пляжлар исемлеге:
• Чаллы шәһәре, 38 нче һәм 12 нче микрорайоннарга каршы, Ф. Табеев исемендәге Яр буе урамындагы шәһәр пляжы.
• Зәй шәһәре, Заинск-2 мкр. пляжы, Красная площадь ур.
• Актив ял зонасы булган пляж, Буа районы, Мишәр авылы, Буа Алан ур.
• Алабуга шәһәренең көньяк читендәге пляж.
• Түбән Кама районы, Красный Ключ бистәсе, "Кама" шәһәр пляжы.

2026 елның 5 июненә булган тикшерү нәтиҗәләре күрсәткәнчә, югарыда күрсәтелгән сулыклардагы су гигиена нормативларына тулысынча туры килә.

Сулыклардагы суның тикшерелгән нәтиҗәләре турындагы актуаль мәгълүмат атна саен яңартыла.