Чаллыда Боровецк күперен ремонтлый башладылар

Чаллыда Боровецк күперендә ремонт эшләре башланды. Биредә «РБР» компаниясе төзүчеләре эшли. Алар күперне өлешчә сүтеп, терәк баганаларын алыштырачак, киртәләрне яңартачак, су агызу, чистарту корылмаларын ясаячак. Шулай ук яктырткычлар урнаштырачак. Бу максатка республика бюджетыннан 735 млн сум акча бүленеп бирелде. 

Барлыгы 312,3 метр юл ясау максаты куела. Хәзерге вакытта күпернең ярты өлеше ябылды. Ремонт эшләрен киләсе елның 20 ноябренә тәмамларга уйлыйлар.