Чаллыда чыгарылыш сыйныф укучыларына 2341 бюджет урыны бар

Шәһәрнең  һөнәри белем бирү учреждениеләре: 10 көллият һәм бер техникум малайлар һәм кызлрага 2341 бюджет урыны тәкъдим итә. Аларның 10 проценты махсус хәрби операциядә катнашучыларга һәм аларның балаларына каралган.  
Урыннар түбәндәгечә бүленә: Васильев исемендәге көллият – 425, Чаллы политехника көллияте – 325, Батенчук исемендәге Кама төзелеш көллияте – 370, Поташов исемндәге техник көллият – 375, Чаллы технология техникумы – 325. Шулай ук медицина көллиятендә – 180, педагогия көллиятендә – 170, КФУның инженер-икътисад көллиятендә – 100, Чаллы сәнгать көллиятнедә 61 кеше бушлай укый алачак. 
«КАМАЗ» ГАҖ 9 белгечлек буенча укучыларны максатчан укыта. Бу аларга автогигантта практика узуны һәм диплом алгач эшкә урнашуны гарантияли.