Чаллыда фатирларга җылылык бирә башладылар

Бүгеннән, 5 октябрьдан торак йортларга җылылык җибәрә башладылар. Кайбер идарә итү компанияләре белдерү кәгазьләре элеп чыкты. Алар шәһәрдәшләрдән батареяларның торышына игътибар итәргә сорый. Су аккан яки көтелмәгән хәл килеп чыккан очракта, диспетчерга шалтыратырга киңәш итә. "Өйләргә җылылык бирү 2 атнага сузылырга мөмкин", - ди "Жилбытком-Сервис" идарә итү компаниясе җитәкчелеге.