Чаллыда яшәүче ир-атның машинасын тартып алдылар

Чаллыда яшәүче ир-ат машинасыз калды. Суд аның «тимер атын» дәүләт кеременә әйләндерергә дигән карар чыгарды. 

Шәһәрдәш машинада исерек килеш йөреп, бер тапкыр таныклыгын алдырткан була. Хәтта 30 мең сумлык штраф та түли. Әмма тагын руль артына утырып тотыла. Бу юлы инспекторлар протокол белән генә чикләнми. Эш судка барып җитә. 

«Шкода OCTAVIA» маркалы автомобиленнән колак кагудан тыш, ир-атка 200 сәгатьлек өстәмә эш билгеләнде. 2 ел машина йөртү тыела.