Чаллыда каз ярминкәләре үтәчәк

Узган шимбәдә Чаллының «Төзүчеләр» стадионы каршындагы мәйданда, «Южный» агросәнәгать паркы һәм Ипподром территорияләрендә авыл хуҗалыгы ярминкәләре булды. Анда 13 муниципаль районнан 18 млн сумлык 160 тонна азык-төлек һәм башка кирәк-яраклар китерелгән иде.  17, 18 декабрьдә шәһәрнең ике мәйданында – Ипподром территориясендә һәм «Строитель» стадионы каршында «Яңа ел казы» ярминкәләре узачак. Авыл хуҗалыгы ярминкәләре исә гадәттәгечә өч урында 8-13 сәгатьтә эшләячәк.