Чаллыда күпкатлы йорт өчен 2 участокны тартып алалар

73 микрорайонда "Компас" торак комплексы төзеләчәк. Анда барлыгы 11 күпкатлы йорт булачак. Шул максатка Чаллы башкарма комитеты 2 җир участогын тартып алырга карар кылды. Моңа бәйле документны шәһәр башкарма комитеты җитәкчесе Фәрид Сәлахов имзалады. 

Участокның берсе - 1,1, икенчесе 6,7 гектар. Хәзерге вакытта җир тартып алыну сәбәпле, салынган зыян күләме ачыклана, аның урынына биреләчәк яңа җир участогының бәясе белгеч белән бәяләнә.

Исегезгә төшерәбез, 73 микрорайонда яңа комплексны "Свит Хоум" төзелеш компаниясе төзи.