Чаллыда машина йөртүчеләрне тикшерәчәкләр

Чаллы дәүләт автоинспекциясе хезмәткәрләре машина йөртүчеләрне тикшерәчәк. Рейд 18 апрельдә оештырылачак. Юл кагыйдәләрен бозучылар, руль артына исерек килеш утыручылар, таныклыксыз, балалар креслосыз йөрүчеләр – бөтенесе дә игътибар үзәгендә булачак. Шулай ук машина пыялаларына тонировка ясаткан һәм штрафларын түләмичә йөрүчеләр дә җаваплылыкка тартылачак. 

Инспекторлар мондый тикшерүләрне ай саен уздыра.