Чаллыда мобилизацияләнүчеләрне салымнардан азат иттеләр

Шәһәр Советының чираттагы 17нче сессиясендә мобилизацияләнгән ир-егетләрне җир һәм милек салымыннан азат итү турында карар кабул ителде. Өлешчә мобилизация кысаларында шәһәрдән барлыгы 800дән артык кеше махсус хәрби операциягә китте. «Махсус хәрби операциядә катнашучылар һәм аларның гаиләләре берәр объект өчен җир һәм милек салымыннан азат ителә», – диде финанс идарәсе башлыгы Светлана Мөлекова. 

Шәһәр мэры Наил Мәһдиев әйтүенчә, өлешчә мобилизациягә эләгүчеләр дә, үз теләкләре белән «Алга» һәм «Тимер» батальннарында хезмәт итүчеләр дә тигез шартларда хезмәттә. Аларның  барсы да 2021 ел өчен милек салымыннан азат ителә. 

Тагы да кызыклырак яңалыклар - "Шәһри Чаллы" газетасының Телеграмм каналында