Чаллыда пенсионер хатынны газель бәрдерде

Чаллыда бер көн эчендә җәяүлеләр катнашында ике юл-транспорт һәлакәте булды. Берсе - Халыклар Дуслыгын проспектында. Мәскәү проспектына юл тотучы газель машинасы 68 яшьлек хатын-кызны бәрдерде. Ул юлны тиешсез урыннан чыккан була. Пенсионерны ашыгыч ярдәм күрсәтү хастаханәсенә озаттылар.

Авариянең икенчесе Чулман проспектында булды. Бу очракта “Nissan Pathfinder” автомобиле велочипедчыны җәүялеләр юлыннан үткәрми.15 яшьлек велосипедчы үзе БСМПга мөрәҗәгать итә. Табибларга күренгәч, аны өенә җибәрәләр.