Чаллыда ни өчен зур сумкалар тегә башладылар?

“Навигатор Успеха” социаль үзәге җитәкчесе Ольга Айдимирова ике шикәр капчыгын кушып, зур сумкалар тегәргә сорый. Алар маскировка челтәрләрен тыгу өчен кирәк. “Полиэтилен пакетлар тиз ертыла, ә болары чыдам”, - ди Ольга Айдимирова.

Чаллы хатын-кызлары бәйрәм уңаеннан махсус хәрби операциядә катнашучы солдатларга гуманитар ярдәм машинасы җибәрде. Барлыгы 7 маскировка челтәре үргәннәр. 850 блиндаж шәмнәре ясаганнар. Моннан тыш, 430нчы полк солдатларына татлы күчтәнәчләр дә әзерләгәннәр. Шулай ук, госпитальләргә 70 памперс, пелёнка, костыльләр җибәргәннәр. 

Мондый гуманитар ярдәм машиналарын социаль үзәккә йөрүчеләр ай саен озата.