Чаллыда шугалакларны яңадан ясарга туры киләчәк?!

Узган атнада "Медео" шугалагын ачтылар. Аннан алда "Азатлык" мәйданында су сиптереп тип-тигез шугалак ясадылар. Әмма һава торышы үз кагыйдәләрен кертә. Бу атнада җылытып җибәрде. Пәнҗешәмбе көнне һава температурасы +4 градуска кадәр күтәреләчәк.

"+3... +4 градуска шугалаклар чыдамаячак. Күпме хезмәт куелды! Нишлисең?! Барысына да әзер булырга кирәк", - диде мэр Наил Мәһдиев.

Ул Яңа ел алдыннан юлларны да чистартып торырга кушты.

"Бүген юллар асфальт күренерлек чиста булса, иртәгә бозлавыкка әйләнергә мөмкин", - ди ул.