Чаллыда өстәмә эш урыннары арта

Алгарышлы үсеш территориясенең яңа резиденты проектын ТР Рәисе Рөстәм Миңнеханов хуплады. 

Шәхси эшмәкәр Илнур Маннанов җитәкчелегендәге компания 2014 елдан бирле кухня җиһазлары фасады ясау белән шөгыльләнә.  Аена 2,7 мең кв. метр мебель фасады ясарга планлаштыра. 

Бизнес-план буенча 100 млн сум инвестиция җәлеп итеп, өстәмә 21 эш урыны булдырырга җыеналар. 

Чаллы мэры Наил Мәһдиев проектны хуплады. «Без җир участогы бирәбез, барлык мәсьәләләрне хәл итәбез», – диде ул.