Чаллыда танышырга теләмәгән кызны буып үтермәкче булганнар

Чаллыда яшәүче ир-ат 10 елга ирегеннән мәхрүм ителде. Ул катгый режимлы төзәтү колониясендә утырачак. Сәбәбе җитди - җавапсыз мәхәббәт. 

Ул танышырга теләмәгән кызны егытып буа. Кычкырмасын өчен авызын каплый. Үтерәчәге турында әйтә. Үзе исерек хәлдә була. Бәхеткә, кыз ярдәм сорап кычкырырга мөмкинлек таба. Ир-ат тизрәк урыннан кача. Хокук сакчылары барыбер эзенә чыгалар. 

Суд утырышында, ул үз гаебен танымаган. Танышырга тәкъдим ясагач, кыз рәнҗетерлек итеп баш тартты дип аңлаткан. Искәртергә кирәк, ир-ат моңарчы да җинаять җаваплылыгына тартылган булган. 

Фото stolicaonego.ru сайтыннан алынды