Чаллыда торак төзелеше планы үтәлә

Чаллы мэры Наил Мәһдиев төзелеш өлкәсендәге казанышларга да тукталды.

Быел 253 мең кв метр торак файдалануга тапшырылды.

Автогигантка белгечләр җәлеп итү максатыннан 2 аренда йорты төзелде. Тагын 4 йорт төзү планлаштырыла.
ТР Рәисе Рөстәм Миңнеханов карары белән барлыкка килгән «Безнең ишегалды» программасы буенча 2024 елда 1 млрд 700 млн сумга 71 ишегалды тәртипкә китерелде. 

«Олимпийский» спорткомплексы капиталь ремонтланды. 

Соңгы 10 елда Чаллыда 10 яңа мәктәп, 21 балалар бакчасы төзелде.

– «Яшьлек» микрорайонындагы  1224 урынга исәпләнгән яңа мәктәптә 1628 бала укый. Яңа мәктәп төзү нәтиҗәсендә 42нче мәктәптә уку 3 сменада оештырылмады. Балалар заманча җиһазланган, матур мәктәптә белем алалар, – диде мэр.