Чаллыны дәрәҗәле бәйгедә бүләкләделәр

Татарстанның төзелеш, архитектура һәм торак-коммуналь хуҗалык министрлыгы ел саен «Татарстан Республикасының иң төзек торак пункты» бәйгесе үткәрә. Шушы көннәрдә аның 2021 елгысына нәтиҗә ясалды. Бүләкләү тантанасы Казанда үтте.  Чаллы әлеге бәйгедә II дәрәҗә диплом алды. 

«Төзекләндерү буенча иң яхшы предприятие, учреждение, башка оешма» номинациясендә Чаллының «Горзеленхоз» предприятиесенә беренче урын бирелде. Җиңүчеләргә акчалата премия тапшырылды. 

Бүләкләү тантанасында ТР  төзелеш, архитектура һәм торак-коммуналь хуҗалык министры урынбасары Алексей Фролов җиңүчеләрны  якынлашып килүче бәйрәм белән котлады.